可能有兩年冇跑步啦，尋日手錶推送咗挑戰勳章先知道今日係世界跑步日？
早上去上班帶埋咗套運動衫同跑步鞋，諗住下午5:30就出發去跑步，忍唔住做到6:30先去。慢慢趷吓趷吓跑咗5公里，呢排雨水多傍晚時分去跑步真係好舒服。
到咗夏天日照時間變長左，七點幾天仲好光，所以今日大自然仲饋贈咗我日落嘅美景，但係好可惜冇帶手機。
近況
-
一塊高鐵站牌
畀大家學習下優秀嘅用戶體驗，端午節出行我就係因為呢個用綠色寫嘅黃色車廂提示，令我從原本嘅二等座變成企票。當我發現嘅時候，我腿唔夠長，唔夠時間從車尾跑去車頭。
預防你想問，車廂唔係通嘅咩？係節假日，啲高鐵票好緊張，好多時候都買唔到飛，所以佢哋都會加開班次，一台列車縛住另一台，所以兩台車之間係唔通嘅。
抵死嘅係，呢個班次係快車，中間啲站唔停，所以我就咁企左一個站，四十幾分鐘。
-
引用杨喵喵
没人能为你的路、你的人生、你的未来奉陪到底。
摘自「别把这世界让给你鄙视的人」 —— 杨喵喵
哪怕他信誓旦旦，哪怕你也相信他说的都是真的，但你一定要明白，他真的做不到。 -
放眼世界
一幅係牆壁上嘅世界地圖，地圖隔離寫著「放眼世界」，伴有抽象風格的圖案設計作裝飾。 行過畀呢個地圖吸引咗，呢度位於禪城區正在翻新緊嘅筷子街附近的一處空地，牆壁上面「放眼世界」幾只字覺得好復古，應該係當時 80，90 年代比較盛行嘅字型？
-
雲浮石磨腸粉店
雲浮石磨腸粉 – 雞蛋腸粉 從珠海返嚟過晚途徑呢間腸粉店，早幾年食過覺得麻麻地，機緣巧合之下入咗去，點咗個日最後兩碟雞蛋腸，好好彩。
味道比前幾年好咗好多，腸粉拉得好薄，口感彈牙，我記得以前個豉油老抽味好重，印象好深刻，依家改善咗，搭配店家自己浸泡嘅辣椒十分過癮。
有時忍唔住放工就去食一碟再返去屋企，通常啱啱食完會覺得唔夠，意猶未盡，但係飽腹感 10 分鐘之後就會慢慢到嚟，千萬要小心。
店家地址：廣東省佛山市禪城區舍人大街 27 號
營業時間：
早上：06:40—11:30
下午：16:40—21:00
-
網站第一篇文章
歡迎使用 WordPress。這是這個網站的第一篇文章，試試為這篇文章進行編輯或直接刪除，然後開始撰寫新文章！
